Մոսկվայում տեղի է ունենում Հավաքական անվտանգության պայմանագրի կազմակերպության (ՀԱՊԿ) պաշտպանության նախարարների խորհրդի նիստը։ ՏԱՍՍ-ի փոխանցմամբ՝ միջոցառմանը Հայաստանը չի մասնակցում։ Չնայած դրան՝ Հայաստանի դրոշը ներկայացվում է ՀԱՊԿ անդամ մյուս երկրների դրոշների կողքին, գրում է Կոմերսանտը։

2024 թվականի փետրվարին Հայաստանը սառեցրել է մասնակցությունը ՀԱՊԿ-ին։ Պատճառն այն է, որ դաշնակիցները, այդ թվում՝ Ռուսաստանը և Բելառուսը, չեն կատարում իրենց պարտավորությունները և հրաժարվում են ճանաչել իրենց պատասխանատվության գոտին։

Հայաստանի վարչապետ Նիկոլ Փաշինյանը ՀԱՊԿ-ն անվանել էր նաև երկրի անվտանգությանը սպառնալիք։ 2026 թվականի ապրիլին նա հայտարարել է, որ իշխանությունները քայլեր չեն ձեռնարկի կազմակերպություն վերադառնալու համար։